Лета - цудоўная пара года. Яго любяць дарослыя і дзеці. Улетку можна ўдосталь нагуляцца, пабегаць, адужэць, падрасці, пазнаць новае.
Якасная арганізацыя летняй работы ва ўстанове дашкольнай адукацыі, якая ахоплівае ўсіх удзельнікаў адукацыйнага працэсу, дае шырокія магчымасці для ўмацавання фізічнага і псіхічнага здароўя выхаванцаў, развіцця ў іх пазнавальнай цікавасці, а таксама павышэння кампетэнтнасці бацькоў у галіне арганізацыі летняга адпачынку дзяцей.
Асноўная мэта работы ўстановы адукацыі ў летні перыяд - гэта стварэнне спрыяльных умоў для захавання і ўмацавання фізічнага здароўя выхаванцаў, у тым ліку дзяцей з асаблівасцямі псіхафізічнага развіцця, іх эмацыйнага дабрабыту.
Задачы дзейнасці ўстановы адукацыі ў летні перыяд:
1. фарміраванне культуры здароўя дзяцей ранняга і дашкольнага ўзросту сродкамі арганізацыі і правядзення комплекса мерапрыемстваў, у тым ліку стварэння здароўезберагальнага прадметна-развіваючага асяроддзя, накіраваных на павышэнне адаптыўных і функцыянальных манчымасцей арганізма выхаванцаў, у тым ліку з асаблівасцямі псіхафізічнага развіцця;
2. выхаванне культуры бяспекі жыццядзейнасці на аснове практычнага прымянення дзецьмі ранняга і дашкольнага ўзросту, у тым ліку з асаблівасцямі псіхафізічнага развіцця, правіл бяспечных паводзін у працэсе рашэння праблемных (гульнявых) сітуацый у розных відах дзіцячай дзейнасці;
3. фарміраванне асноў эстэтычнай культуры выхаванцаў сродкамі музычнага і выяўленчага мастацтва, мастацкай літаратуры.
З мэтай стварэння спрыяльных умоў для знаходжання выхаванцаў ва ўстанове адукацыі арганізуецца работа па выяўленні ў законных прадстаўнікоў выхаванцаў патрэбнасці ў наведванні ўстановы дашкольнай адукацыі ў летні перыяд.
Звяртаем вашу ўвагу, што ў час летніх канікул (з 1 чэрвеня па 31 жніўня) заняткі з выхаванцамі не праводзяцца. Пры гэтым у адукацыйны працэс уключаюцца мерапрыемствы фізкультурна-аздараўленчага і мастацка-эстэтычнага напрамку, якія праводзяцца з выхаванцамі штодзённа на вуліцы за выключэннем неспрыяльных метэаралагічных умоў (дождж, моцны вецер і інш.).
У летні перыяд прадугледжваецца максімальнае знаходжанне дзяцей на паветры (праца з дзецьмі праводзіцца на вуліцы ў адпаведнасці з запланаванымі мерапрыемствамі ў плане рэалізацыі адукацыйнага працэсу з выхаванцамі). Прыём выхаванцаў ажыццяўляецца на вуліцы. Выхад дзяцей на вуліцу ажыццяўляецца пасля сняданку, (згодна з распарадкам дня).
Арганізацыя харчавання ажыццяўляецца ў адпаведнасці з штогадовымі Метадычнымі рэкамендацыямі па арганізацыі харчавання ва ўстановах адукацыі, якія зацвярджаюцца Міністэрствам адукацыі Рэспублікі Беларусь і Міністэрствам антыманапольнага рэгулявання і гандлю Рэспублікі Беларусь. У летні аздараўленчы перыяд важна забяспечыць сістэму мер, накіраваную на якасць арганізацыі рацыянальнага, збалансаванага харчавання, якое забяспечвае арганізм дзіцяці ўсімі неабходнымі яму харчовымі рэчывамі (бялкамі, тлушчамі, вугляводамі, вітамінамі, мінеральнымі солямі) і энергіяй. У летні перыяд перавага аддаецца свежай гародніне, садавіне, сокам, у рацыён уводзіцца другі сняданак.
У летні перыяд асаблівая ўвага надаецца арганізацыі пітнога рэжыму, так як падчас спякоты запатрабаванне ў вадкасці ў дзіцяці істотна павялічваецца. Для арганізацыі пітнога рэжыму выхаванцаў выкарыстоўваецца негазаваная пітная вада прамысловай вытворчасці, фасаваная ў ёмістасці альбо кіпячоная вада, якая захоўваецца не больш за 4 гадзіны. Пітная вада павінна быць даступная дзіцяці на працягу ўсяго часу яго знаходжання ва ўстанове дашкольнай адукацыі. Яе выносяць на вуліцу, пры патрэбнасці дзіцяці ў піцці, разліваюць у пластмасавы посуд аднаразавага карыстання альбо шматразовы посуд для індывідуальнага карыстання дзіцем.
Асаблівасці арганізацыі здароўезберагальнага адукацыйнага працэсу ў летні перыяд.
Арганізацыя здароўезберагальнага адукацыйнага працэсу ва ўстанове адукацыі ажыццяўляецца цэлы год з 1 верасня па 31 жніўня.
У перыяд летніх канікул (3 1 чэрвеня па 31 жніўня) у адукацыйны працэс уключаюцца мерапрыемствы фізкультурна-аздараўленчай і мастацка-эстэтычнай накіраванасці.
Мерапрыемствы фізкультурна-аздараўленчай накіраванасці ўключаюць:
ранішнюю гімнастыку;
рухомыя гульні і фізічныя практыкаванні на першай і другой прагулках;
актыўны адпачынак (фізкультурны вольны час, фізкультурныя святы, Дні здароўя);
самастойную рухальную дзейнасць выхаванцаў;
розныя формы арганізацыі пешага турызму для дзяцей ад 6 да 7 гадоў (экскурсіі, прагулкі, пешаходныя (турысцкія) прагулкі і інш.);
загартоўванне натуральнымі прыроднымі фактарамі (паветра, вада, рассеяныя прамяні сонца).
У летні перыяд ствараюцца спрыяльныя ўмовы для рухальнай актыўнасці дзяцей і ўзмацненні аздараўленчага ўздзеяння фізічных практыкаванняў. Усе кампаненты фізкультурна-аздараўленчай работы праводзяцца штодзень на паветры.
Мерапрыемствы мастацка-эстэтычнай накіраванасці ўключаюць:
выяўленчую дзейнасць выхаванцаў (маляванне, лепка, аплікацыя, канструяванне, дзіцячы дызайн);
музычную дзейнасць выхаванцаў (забавы, святы);
азнаямленне з творамі мастацкай літаратуры і фальклору.
З мэтай стварэння эмацыйнага камфорту дзяцей у летні перыяд мэтазгодным з'яўляецца:
уключэнне выяўленчай дзейнасці ў дзіцячыя святы;
правядзенне конкурсаў з рознымі намінацыямі, забаў, якія ўключаюць эксперыментаванне дзяцей з выяўленчымі, прыроднымі і дадатковымі матэрыяламі, садзейнічаюць фарміраванню (развіццю) і замацаванню ўяўленняў аб відах, жанрах мастацтва, сродках мастацкай выразнасці;
арганізацыя творчых майстэрняў, займальных гульнятэк, гульняў з вадой, пяском.
Пры арганізацыі ў летні перыяд музычнай дзейнасці з выхаванцамі важным з'яўляецца:
выкарыстанне музыкі ў розных кампанентах распарадку дня;
фонавае гучанне ўпадабаных дзецям вакальных і інструментальных твораў;
правядзенне музычна-дыдактычных гульняў, музычных віктарын і інш.;
уключэнне ў адукацыйны працэс музычных твораў, якія ўвасабляюць «летнія» вобразы (А. Вівальдзі, П. І. Чайкоўскага і інш.);
элементарнае музіцыраванне выхаванцаў (сола, ансамбль, аркестр);
самастойная музычная дзейнасць дзяцей (выкананне песень і танцаў, арганізацыя сюжэтна-ролевых гульняў з "музычнымі"сюжэтамі);
гульні з музычнымі інструментамі;
музычныя гульні-рэлаксацыі.
З мэтай фарміравання асноў грамадзянска-патрыятычнай культуры выхаванцаў з улікам іх узросту важна ўключаць у змест забаў, свят і іншых мерапрыемстваў матэрыял, накіраваны на выхаванне паважлівых адносін выхаванцаў да гераічнага мінулага свайго народу, каштоўнасных адносін да жыцця і міру, павагі да абаронцаў Айчыны, да памяці загінуўшых воінаў, пачуцця гонару задасягненні сваёй краіны і інш.
У рабоце з дзецьмі дашкольнага ўзросту ў летні перыяд асаблівае значэнне мае далучэнне дзяцей да твораў мастацкай літаратуры і фальклору. Творы мастацкай літаратуры і фальклору, якія рэкамендуюцца вучэбнай праграмай дашкольнай адукацыі, уключаюцца ў кампаненты распарадку дня і розныя віды дзіцячай дзейнасці.
ЛЕТА - гэта чароўная пара года, якая насычаная вяселлем, радасцю і цудоўным настроем!!!
Матэрыял падрыхтавала: Вашкевіч В.Б., намеснік загадчыка па асноўнай дзейнасці
