Лета - цудоўная пара года. Яго любяць дарослыя і дзеці. Улетку можна ўдосталь нагуляцца, пабегаць, адужэць, падрасці, пазнаць новае.
Якасная арганізацыя летняй аздараўленчай работы ва ўстанове дашкольнай адукацыі, якая ахоплівае ўсіх удзельнікаў адукацыйнага працэсу, дае шырокія магчымасці для ўмацавання фізічнага і псіхічнага здароўя выхаванцаў, развіцця ў іх пазнавальнай цікавасці, а таксама павышэння кампетэнтнасці бацькоў у галіне арганізацыі летняга адпачынку дзяцей.
Асноўная мэта работы педагагічнага калектыву ў летні аздараўленчы перыяд - гэта стварэнне ва ўстанове максімальна эфектыўных умоў для арганізацыі аздараўленчай працы і развіцця пазнавальнай цікавасці, творчых здольнасцяў выхаванцаў.
З мэтай стварэння спрыяльных умоў для знаходжання выхаванцаў ва ўстанове дашкольнай адукацыі арганізуецца работа па выяўленні ў законных прадстаўнікоў выхаванцаў патрэбнасці ў наведванні ўстановы дашкольнай адукацыі ў летні перыяд. Бацькі даюць інфармацыю педагогам аб аздараўленні дзяцей у летні перыяд за межамі і ва ўмовах установы дашкольнай адукацыі.
У летні аздараўленчы перыяд прадугледжваецца максімальнае знаходжанне дзяцей на паветры (праца з дзецьмі праводзіцца на вуліцы ў адпаведнасці з запланаванымі мерапрыемствамі ў плане рэалізацыі адукацыйнага працэсу з выхаванцамі). Прыём выхаванцаў ажыццяўляецца на вуліцы. Выхад дзяцей на вуліцу ажыццяўляецца пасля сняданку, (згодна з распарадкам дня). Звяртаем вашу ўвагу, што пры адпаведных умовах надвор'я ўсе заняткі праводзяцца на вуліцы.
Арганізацыя харчавання ажыццяўляецца ў адпаведнасці з натуральнымі нормамі. У летні аздараўленчы перыяд важна забяспечыць сістэму мер, накіраваную на якасць арганізацыі рацыянальнага, збалансаванага харчавання, якое забяспечвае арганізм дзіцяці ўсімі неабходнымі яму харчовымі рэчывамі (бялкамі, тлушчамі, вугляводамі, вітамінамі, мінеральнымі солямі) і энергіяй. У летні перыяд перавага аддаецца свежай гародніне, садавіне, сокам, у рацыён уводзіцца другі сняданак.
У летні час асаблівая ўвага надаецца арганізацыі пітнага рэжыму, так як падчас спякоты запатрабаванне ў вадкасці ў дзіцяці істотна павялічваецца. Для арганізацыі пітнога рэжыму выхаванцаў выкарыстоўваецца негазаваная пітная вада прамысловай вытворчасці, фасаваная ў ёмістасці альбо кіпячоная вада з абавязковым абазначэннем даты і часу ўскрыцця. Пітная вада павінна быць даступная дзіцяці на працягу ўсяго часу яго знаходжання ва ўстанове дашкольнай адукацыі. Яе выносяць на вуліцу, пры патрэбнасці дзіцяці ў піцці, разліваюць у аднаразовы посуд.
Летні перыяд у дашкольнай установе прынята называць аздараўленчым, і ён мае свае асаблівасці.
У перыяд летняга аздараўлення прыярытэтным з'яўляецца арганізацыя дзейнасці дзяцей фізкультурна-аздараўленчай і мастацка-эстэтычнай накіраванасці.
У дашкольнай установе ў перыяд летніх канікул праводзіцца фізкультурна-аздараўленчая работа, якая ўключае:
ранішнюю гімнастыку;
фізкультурныя заняткі (гульнявога, сюжэтнага, тэматычнага віду);
рухомыя гульні і фізічныя практыкаванні на прагулцы;
актыўны адпачынак (фізкультурныя вольны час, фізкультурныя святы, Дні здароўя);
самастойную рухальную дзейнасць;
загартоўванне натуральнымі прыроднымі фактарамі (паветра, вада, прамяні сонца).
У летні перыяд ствараюцца спрыяльныя ўмовы для рухальнай актыўнасці дзяцей і ўзмацненні аздараўленчага ўздзеяння фізічных практыкаванняў. Усе кампаненты фізкультурна-аздараўленчай работы праводзяцца штодзень на паветры.
Мастацка-эстэтычная работа, якая ўключае:
выяўленчую дзейнасць (маляванне, лепка, аплікацыя, канструяванне, дзіцячы дызайн);
музычную дзейнасць выхаванцаў;
азнаямленне з творамі мастацкай літаратуры і фальклору.
З мэтай стварэння эмацыйнага камфорту дзяцей у летні аздараўленчы перыяд неабходна арганізоўваць:
уключэнне выяўленчай дзейнасці ў дзіцячыя святы;
правядзенне забаў, якія ўключаюць эксперыментаванне дзяцей з выяўленчымі і прыроднымі матэрыяламі, садзейнічаюць замацаванню ўяўленняў аб відах, жанрах мастацтва, сродках мастацкай выразнасці, конкурсаў з рознымі намінацыямі;
арганізацыя творчых майстэрняў, займальных гульнятэк, гульняў з пяском.
Пры арганізацыі музычнай дзейнасці з выхаванцамі праводзяцца:
музычна-дыдактычныя гульні, музычныя віктарыны;
уключэнне ў адукацыйны працэс музычных твораў, якія ўвасабляюць «летнія» вобразы (А. Вівальдзі, П. І. Чайкоўскага і інш.);
сольнае і калектыўнае музіцыраванне;
гульні з музычнымі інструментамі;
самастойная музычная дзейнасць дзяцей (выкананне песень і танцаў, арганізацыя сюжэтна-ролевых гульняў з "музычнымі"сюжэтамі) і інш.
У рабоце з дзецьмі дашкольнага ўзросту ў летні перыяд асаблівае значэнне мае далучэнне дзяцей да твораў мастацкай літаратуры і фальклору. Творы мастацкай літаратуры і фальклору, якія рэкамендуюцца вучэбнай праграмай дашкольнай адукацыі, уключаюцца ва ўсе рэжымныя працэсы і віды дзіцячай дзейнасці.
ЛЕТА - гэта чароўная пара года, якая насычаная вяселлем, радасцю і цудоўным настроем!!!
Матэрыял падрыхтавала: Вашкевіч В.Б., намеснік загадчыка па асноўнай дзейнасці
